ZawGyiျဖင့္ဖတ္ရန္

အေၾကာင္းသိမ်ားဟားတိုက္မရီရ

ေမွ်ာ္လင့္ျခင္းေလး

သူမဟာ ဝရန္တာရဲ႕ ခန္းဆီးစကို အသာလွစ္ၿပီး လမ္းမထက္ကို အသာေခ်ာင္းေျမာင္းၾကည့္လိုက္တယ္..။

“သူေရာက္ေနၿပီ” လို႔ တီးတိုးေရ႐ြတ္ၿပီး သူမ ထခုန္မတတ္ ျဖစ္သြားတယ္။ တစ္ကယ္လို႔သာ သူမခႏၶာကိုယ္ဟာ ေပါင္(၁၀၀) ေက်ာ္ေက်ာ္ ဆလင္းေဘာ္ဒီေလးျဖစ္ခဲ့မယ္ဆိုရင္ေတာ့ သူမဟာ Havana Dance ျဖစ္ျဖစ္ Gangnam style ျဖစ္ျဖစ္ ကမိမွာေသခ်ာတယ္။ ဒါေပမယ့္ ခုလို ေဘာ္ဒီနဲ႔သာ ကရမယ္ဆို ရပ္ကြက္ထဲကလူေတြ ငလွ်င္လႈပ္တယ္မွတ္ၿပီး ထြက္ေျပးၾကမွာေသခ်ာတယ္။

“မိန္းကေလးက စသလိုမ်ားျဖစ္ေနမလား” ဆိုတဲ့ အေတြးနဲ႔လည္း သူမခ်ီတုန္ခ်တုန္ျဖစ္ေနျပန္တယ္။ “တစ္ကယ္ေတာ့ ဒီေကာင္ေလးကိုက ပြင့္ပြင့္လင္းလင္းမရွိတဲ့ ငႏုံေလး” လို႔ သူမ တစ္ကိုယ္တည္းေျပာျပန္တယ္။ တကယ္ဆို တစ္ႏွစ္ေက်ာ္ေက်ာ္အခ်ိန္ထိ သူမအိမ္ေရွ႕မွာ ေလွ်ာက္ျပန္သံေပးလုပ္ေနခဲ့တာပဲ။ သူမအလုပ္ျပန္လာတိုင္းလည္း မလုံမလဲမ်က္ႏွာနဲ႔ ဒီေကာင္ေလးကို သူမ ေတြ႕ခဲ့ရတာပဲ။ တစ္ကယ္ဆို သူမကို စကားလာေျပာ၊ မိတ္ဆက္၊ ဒီကေန တစ္ဆင့္တက္ၿပီး ခ်စ္စကားဆို၊ ေနာက္အိမ္ေထာင္က်၊ ကေလးေမြး—

“အို- ငါဘာေတြေတြးေနမိတာပါလိမ့္” လို႔ေျပာၿပီး သူမ ရွက္ေသြးျဖာေနျပန္တယ္။ ဒီေန႔ေတာ့ ဒီေကာင္ေလးကို သူမ တည့္တည့္ပဲေမးရေတာ့မယ္။ ၾကာရင္ သူမကို အမ်ားက ေလွာင္ေျပာင္ေနၾကတဲ့ “ငွက္ေပ်ာတုံး၊ အပုပ္သီး” စတဲ့ ဘြဲ႕ထူးဂုဏ္ထူးေတြကေန ကြၽတ္မွာမဟုတ္။ ၿပီးေတာ့ သူမအသက္အ႐ြယ္လည္း ေလးဆယ္ဘက္ကို ေရာက္ေရာက္လာၿပီလို႔ သူမေတြးေနျပန္တယ္။ ဘာပဲျဖစ္ျဖစ္ ေကာင္ေလးကေတာ့ သူမတို႔အိမ္ေရွ႕ကို တစ္ႏွစ္ေက်ာ္ၾကာ မပ်က္မကြက္ လာေနခဲ့ေသးတာပဲ။ ေသခ်ာတယ္။ ဒီေကာင္ေလးဟာ သူမရဲ႕ ဖူးစာရွင္ပဲ။

ညေန အလုပ္ဆင္းခ်ိန္ဆို သူမတို႔အိမ္ေရွ႕မလွမ္းမကမ္းက အုတ္ခုံမွာ ေကာင္ေလးထိုင္ေနက်ပဲ။ သူမအသက္အ႐ြယ္နဲ႔ ယွဥ္ရင္ေတာ့ ေကာင္ေလးျဖစ္ေနေပမယ့္ သူဟာ အသက္ (၂၅) (၃၀) ေလာက္ေတာ့ ရွိမယ္ထင္ရတယ္ အသားညိဳတယ္လို႔ ထင္ရေပမယ့္ ေကာင္ေလးဟာ ၾကည့္ေကာင္းတယ္။ ေယာက္်ားပီသတယ္။ ေဆးလိပ္၊ ကြမ္း စားတာလည္း သူမမျမင္ဖူး။ အၿမဲလိုလို သပ္သပ္ယပ္ယပ္ဝတ္စားတတ္တဲ့ ေကာင္ေလးဟာ လက္ထဲမွာလည္း ဖုန္းကို အၿမဲကိုင္ထားျပန္တယ္။ ဂိမ္းသမားလားမသိဘူးလို႔သူမေတြးေနမိတယ္။ ဒါေပမယ့္လည္း “ငါ့ဓါတ္ပုံကို အလြမ္းေျပၾကည့္ဖို႔ ခိုး႐ိုက္တာေနမယ္ ဟီဟိ” လို႔သူမ ပီတိျဖစ္ျပန္တယ္။ အဲဒီလို ပုံစံမ်ိဳးနဲ႔ပဲ တစ္ရက္ကေနတစ္ပတ္၊ တစ္ပတ္ကေန တစ္ႏွစ္ထိ ေကာင္ေလးက သူမကို ေန႔တိုင္းလာေခ်ာင္းတယ္။ ဒါဟာ သူငါ့ကို ေတာ္ေတာ္ခ်စ္ရွာလို႔ ေနမယ္လို႔ သူမေတြးမိေနေသးတယ္။

ေနာင္ ေကာင္ေလးနဲ႔ ခ်စ္သူေတြျဖစ္မွ ေကာင္ေလးရဲ႕ လက္ေမာင္းကိုခ်ိတ္ၿပီ ကႏြဲ႕ကလ်ေလးမွီတြဲလိုက္မယ္။ သူ႔ကို တခ်ိန္လုံးစေနာက္ေနၾကတဲ့ အိမ္ေထာင္သည္ သူငယ္ခ်င္းလင္မယားေတြဆီကိုသြားၿပီး ႂကြားျပစ္လိုက္မယ္။ ေကာင္ေလးနဲ႔ တြဲၿပီး စုံတြဲပုံေတြကို timeline နဲ႔ အျပည့္ wall နဲ႔အျပည့္ ေနာက္ဆုံး facebook server ႀကီးေဒါင္းတဲ့အထိ ကို တင္ပစ္လိုက္မယ္။ အဲဒီအခါ သူမကို ေလွာင္ေျပာင္ေနၾကသူေတြ ပါးစပ္ေဟာင္းသား၊ မ်က္လုံးအျပဴးသားေတြျဖစ္ေနၾကတာကိုၾကည့္ၿပီး ဟားတိုက္ၿပီးရယ္ပစ္လိုက္မယ္လို႔ သူမေတြးထားတယ္။

သူမဟာ မွန္တင္ခုံေရွ႕ကို အေလာတႀကီးသြားလိုက္ၿပီး အလွဆုံးျပင္ဆင္ခ်ယ္သလိုက္တယ္။ ဒီလိုျပင္လိုက္ေတာ့လည္း ငါဒီေလာက္မဆိုးလွပါဘူးလို႔ သူမကိုယ္ကို ေျပာလိုက္တယ္။ အို- ဘာပဲျဖစ္ျဖစ္ ေကာင္ေလးက ငါ့ကို ခ်စ္ေနၿပီးသားပဲ။ ငါနည္းနည္းအစ္ေအာက္လိုက္တာနဲ႔ ၿပီးၿပီလို႔ သူမေတြးလိုက္တယ္။ အဲဒီေနာက္ေတာ့ သူမဟာ အိပ္ခန္းထဲက အသာထြက္၊ အေဖအေမအလစ္ကို ေခ်ာင္းၿပီး ေကာင္ေလးရွိရာ အုတ္ခုံကို ဆင္မယဥ္သာေျခလွမ္းေတြနဲ႔အတူ ေလွ်ာက္လွမ္းလာတယ္။

သူမေကာင္ေလးအနားကို ေရာက္လာတဲ့အထိ ေကာင္ေလးက သတိထားမိပုံမေပၚ။ သူ႔ဖုန္းကိုသာ သည္းႀကီးမဲႀကီးၾကည့္ေနျပန္တယ္။

“အဟမ္း..အဟင္းဟင္း”

သူမအသံျပဳလိုက္ေတာ့ ငတိေလးက ေၾကာက္လန႔္တၾကားထရပ္တယ္။ ၿပီးေတာ့ ေယာင္ယမ္းၿပီးျပန္ထိုင္လိုက္တယ္။ ေတာ္ၾကာအေၾကာက္လြန္ၿပီး ထြက္ေျပးသြားရင္ ဒုကၡဆိုတဲ့အေတြးနဲ႔အတူ သူမ ေကာင္ေလးကို အခ်ိဳဆုံးၿပဳံးျပလိုက္တယ္။ အဲဒီေနာက္ေတာ့ သူမဟာ ေတြးေတာထားသမွ် စကားလုံးေတြကို ကရားေရလႊတ္ပဲေျပာခ်လိုက္ေတာ့တယ္။

“မင္း..ဘာလို႔ ဒီမွာေန႔တိုင္းလာထိုင္ေနတာလဲေကာင္ေလး။ ဒီအိမ္မွာ အပ်ိဳဆိုလို႔လည္း ဒို႔ပဲရွိတာေလ။ တကယ္ဆို မင္းေယာက္်ားဆိုရင္လည္း ဒို႔ကိုရဲရဲဝံ့ဝံ့ လာစကားေျပာေပါ့။ ဒို႔က စိတ္မဆိုးတတ္ဘူးရယ္။ ၿပီးေတာ့ ဒို႔အၾကာႀကီး စဥ္းစားတတ္တဲ့အထဲမွာလည္းမပါဘူး။ မင္းေျပာခ်င္တာေတြ ခုဒို႔ကိုေျပာေတာ့။ ဒို႔နားေထာင္ဖို႔ဆင္းလာတာ။ ေန႔တိုင္း ဒီအုတ္ခုံမွာ မင္းလာလာထိုင္ေနတာ ၾကာေတာ့ ဒို႔သနားလာၿပီ”

သူမစကားအဆုံးမွာေတာ့ ေကာင္ေလးရဲ႕ မ်က္လုံးႏွစ္ဘက္ဟာဂဏန္းမ်က္ေစ့လို ျပဴးက်ယ္လာတယ္။ သူ႔ရဲ႕လည္ပင္းဟာလည္ ငွက္ကုလားအုတ္လို ရွည္လာတယ္လို႔ သူမထင္တယ္။ ေကာင္ေလး ဝမ္းသာလုံးဆို႔သြားတာ ျဖစ္မယ္လို႔ သူမအပိုင္တြက္လိုက္တယ္။ “ဒီေကာင္ေလးႏွယ္.. ေတာ္ေတာ္အတဲ့လူဆိုးေလး၊ အသည္းယားစရာေလး” လို႔ သူမေတြးလိုက္တယ္။

“ဟိတ္..ေျပာေနတာမၾကားဘူးလား။ မင္းေျပာခ်င္တာ.. ေျပာလို႔ဆို..လို႔ဆို”

သူမ ေျပာေျပာဆိုဆိုနဲ႔ ေကာင္ေလးေဘးမွာဝင္ထိုင္လိုက္တယ္။ သူမအထိုင္မွာပဲ ေကာင္ေလးက မတ္တပ္ျပန္ရပ္ျပန္တယ္။ သူမလိုက္ၿပီးမတ္တပ္ရပ္ေတာ့ ေကာင္ေလးျပန္ထိုင္ျပန္တယ္။

“ဒီမွာ ငါစိတ္တိုလာၿပီ မင္းေျပာမွာလား၊မေျပာဘူးလား”

ေကာင္ေလးရဲ႕ တံေတြးၿမိဳခ်သံ “ဂလု” ကို သူမေကာင္းေကာင္းၾကားလိုက္တယ္။ အဲဒီလိုနဲ႔ ဂလု၊ ဂလု နဲ႔ သုံးေလးခါ ဂလုမွာေတာ့ ေကာင္ေလးစကားစေျပာတယ္။ ေကာင္ေလးရဲ႕ ႏႈတ္ခမ္းအဟမွာတင္ သူမ မ်က္လုံးႏွစ္ဘက္ကို အသာေမွးၿပီး အရသာခံၿပီးနားေထာင္လိုက္တယ္။ ေကာင္ေလးက သူမကို တျဖည္းျဖည္းခ်င္း စေျပာတယ္…

“ဟုတ္ကဲ့..ေျပာ…ေျပာ.. ပါ့မယ္။ ေဒၚႀကီးတို႔အိမ္က wifi က password ခံမထားလို႔ ကြၽန္ေတာ္ ညေနတိုင္းလာသုံးတာပါ။ ဖုန္းေဘမရွိလို႔ပါ။ စိတ္မဆိုးပါနဲ႔”

UniCodeဖြင့်ဖတ်ရန်

လူမြင်မကောင်းအောင် ဟားတိုက်ရီတတ်ရင် မကြည့်နဲ့နော်.. အပျိုကြီးတစ်ယောက်ရဲ့ မျော်လင့်ခြင်းလေး

အကြောင်းသိများဟားတိုက်မရီရ

မျှော်လင့်ခြင်းလေး

သူမဟာ ဝရန်တာရဲ့ ခန်းဆီးစကို အသာလှစ်ပြီး လမ်းမထက်ကို အသာချောင်းမြောင်းကြည့်လိုက်တယ်..။

“သူရောက်နေပြီ” လို့ တီးတိုးရေရွတ်ပြီး သူမ ထခုန်မတတ် ဖြစ်သွားတယ်။ တစ်ကယ်လို့သာ သူမခန္ဓာကိုယ်ဟာ ပေါင်(၁၀၀) ကျော်ကျော် ဆလင်းဘော်ဒီလေးဖြစ်ခဲ့မယ်ဆိုရင်တော့ သူမဟာ Havana Dance ဖြစ်ဖြစ် Gangnam style ဖြစ်ဖြစ် ကမိမှာသေချာတယ်။ ဒါပေမယ့် ခုလို ဘော်ဒီနဲ့သာ ကရမယ်ဆို ရပ်ကွက်ထဲကလူတွေ ငလျှင်လှုပ်တယ်မှတ်ပြီး ထွက်ပြေးကြမှာသေချာတယ်။

“မိန်းကလေးက စသလိုများဖြစ်နေမလား” ဆိုတဲ့ အတွေးနဲ့လည်း သူမချီတုန်ချတုန်ဖြစ်နေပြန်တယ်။ “တစ်ကယ်တော့ ဒီကောင်လေးကိုက ပွင့်ပွင့်လင်းလင်းမရှိတဲ့ ငနုံလေး” လို့ သူမ တစ်ကိုယ်တည်းပြောပြန်တယ်။ တကယ်ဆို တစ်နှစ်ကျော်ကျော်အချိန်ထိ သူမအိမ်ရှေ့မှာ လျှောက်ပြန်သံပေးလုပ်နေခဲ့တာပဲ။ သူမအလုပ်ပြန်လာတိုင်းလည်း မလုံမလဲမျက်နှာနဲ့ ဒီကောင်လေးကို သူမ တွေ့ခဲ့ရတာပဲ။ တစ်ကယ်ဆို သူမကို စကားလာပြော၊ မိတ်ဆက်၊ ဒီကနေ တစ်ဆင့်တက်ပြီး ချစ်စကားဆို၊ နောက်အိမ်ထောင်ကျ၊ ကလေးမွေး—

“အို- ငါဘာတွေတွေးနေမိတာပါလိမ့်” လို့ပြောပြီး သူမ ရှက်သွေးဖြာနေပြန်တယ်။ ဒီနေ့တော့ ဒီကောင်လေးကို သူမ တည့်တည့်ပဲမေးရတော့မယ်။ ကြာရင် သူမကို အများက လှောင်ပြောင်နေကြတဲ့ “ငှက်ပျောတုံး၊ အပုပ်သီး” စတဲ့ ဘွဲ့ထူးဂုဏ်ထူးတွေကနေ ကျွတ်မှာမဟုတ်။ ပြီးတော့ သူမအသက်အရွယ်လည်း လေးဆယ်ဘက်ကို ရောက်ရောက်လာပြီလို့ သူမတွေးနေပြန်တယ်။ ဘာပဲဖြစ်ဖြစ် ကောင်လေးကတော့ သူမတို့အိမ်ရှေ့ကို တစ်နှစ်ကျော်ကြာ မပျက်မကွက် လာနေခဲ့သေးတာပဲ။ သေချာတယ်။ ဒီကောင်လေးဟာ သူမရဲ့ ဖူးစာရှင်ပဲ။

ညနေ အလုပ်ဆင်းချိန်ဆို သူမတို့အိမ်ရှေ့မလှမ်းမကမ်းက အုတ်ခုံမှာ ကောင်လေးထိုင်နေကျပဲ။ သူမအသက်အရွယ်နဲ့ ယှဉ်ရင်တော့ ကောင်လေးဖြစ်နေပေမယ့် သူဟာ အသက် (၂၅) (၃၀) လောက်တော့ ရှိမယ်ထင်ရတယ် အသားညိုတယ်လို့ ထင်ရပေမယ့် ကောင်လေးဟာ ကြည့်ကောင်းတယ်။ ယောက်ျားပီသတယ်။ ဆေးလိပ်၊ ကွမ်း စားတာလည်း သူမမမြင်ဖူး။ အမြဲလိုလို သပ်သပ်ယပ်ယပ်ဝတ်စားတတ်တဲ့ ကောင်လေးဟာ လက်ထဲမှာလည်း ဖုန်းကို အမြဲကိုင်ထားပြန်တယ်။ ဂိမ်းသမားလားမသိဘူးလို့သူမတွေးနေမိတယ်။ ဒါပေမယ့်လည်း “ငါ့ဓါတ်ပုံကို အလွမ်းပြေကြည့်ဖို့ ခိုးရိုက်တာနေမယ် ဟီဟိ” လို့သူမ ပီတိဖြစ်ပြန်တယ်။ အဲဒီလို ပုံစံမျိုးနဲ့ပဲ တစ်ရက်ကနေတစ်ပတ်၊ တစ်ပတ်ကနေ တစ်နှစ်ထိ ကောင်လေးက သူမကို နေ့တိုင်းလာချောင်းတယ်။ ဒါဟာ သူငါ့ကို တော်တော်ချစ်ရှာလို့ နေမယ်လို့ သူမတွေးမိနေသေးတယ်။

နောင် ကောင်လေးနဲ့ ချစ်သူတွေဖြစ်မှ ကောင်လေးရဲ့ လက်မောင်းကိုချိတ်ပြီ ကနွဲ့ကလျလေးမှီတွဲလိုက်မယ်။ သူ့ကို တချိန်လုံးစနောက်နေကြတဲ့ အိမ်ထောင်သည် သူငယ်ချင်းလင်မယားတွေဆီကိုသွားပြီး ကြွားပြစ်လိုက်မယ်။ ကောင်လေးနဲ့ တွဲပြီး စုံတွဲပုံတွေကို timeline နဲ့ အပြည့် wall နဲ့အပြည့် နောက်ဆုံး facebook server ကြီးဒေါင်းတဲ့အထိ ကို တင်ပစ်လိုက်မယ်။ အဲဒီအခါ သူမကို လှောင်ပြောင်နေကြသူတွေ ပါးစပ်ဟောင်းသား၊ မျက်လုံးအပြူးသားတွေဖြစ်နေကြတာကိုကြည့်ပြီး ဟားတိုက်ပြီးရယ်ပစ်လိုက်မယ်လို့ သူမတွေးထားတယ်။

သူမဟာ မှန်တင်ခုံရှေ့ကို အလောတကြီးသွားလိုက်ပြီး အလှဆုံးပြင်ဆင်ချယ်သလိုက်တယ်။ ဒီလိုပြင်လိုက်တော့လည်း ငါဒီလောက်မဆိုးလှပါဘူးလို့ သူမကိုယ်ကို ပြောလိုက်တယ်။ အို- ဘာပဲဖြစ်ဖြစ် ကောင်လေးက ငါ့ကို ချစ်နေပြီးသားပဲ။ ငါနည်းနည်းအစ်အောက်လိုက်တာနဲ့ ပြီးပြီလို့ သူမတွေးလိုက်တယ်။ အဲဒီနောက်တော့ သူမဟာ အိပ်ခန်းထဲက အသာထွက်၊ အဖေအမေအလစ်ကို ချောင်းပြီး ကောင်လေးရှိရာ အုတ်ခုံကို ဆင်မယဉ်သာခြေလှမ်းတွေနဲ့အတူ လျှောက်လှမ်းလာတယ်။

သူမကောင်လေးအနားကို ရောက်လာတဲ့အထိ ကောင်လေးက သတိထားမိပုံမပေါ်။ သူ့ဖုန်းကိုသာ သည်းကြီးမဲကြီးကြည့်နေပြန်တယ်။

“အဟမ်း..အဟင်းဟင်း”

သူမအသံပြုလိုက်တော့ ငတိလေးက ကြောက်လန့်တကြားထရပ်တယ်။ ပြီးတော့ ယောင်ယမ်းပြီးပြန်ထိုင်လိုက်တယ်။ တော်ကြာအကြောက်လွန်ပြီး ထွက်ပြေးသွားရင် ဒုက္ခဆိုတဲ့အတွေးနဲ့အတူ သူမ ကောင်လေးကို အချိုဆုံးပြုံးပြလိုက်တယ်။ အဲဒီနောက်တော့ သူမဟာ တွေးတောထားသမျှ စကားလုံးတွေကို ကရားရေလွှတ်ပဲပြောချလိုက်တော့တယ်။

“မင်း..ဘာလို့ ဒီမှာနေ့တိုင်းလာထိုင်နေတာလဲကောင်လေး။ ဒီအိမ်မှာ အပျိုဆိုလို့လည်း ဒို့ပဲရှိတာလေ။ တကယ်ဆို မင်းယောက်ျားဆိုရင်လည်း ဒို့ကိုရဲရဲဝံ့ဝံ့ လာစကားပြောပေါ့။ ဒို့က စိတ်မဆိုးတတ်ဘူးရယ်။ ပြီးတော့ ဒို့အကြာကြီး စဉ်းစားတတ်တဲ့အထဲမှာလည်းမပါဘူး။ မင်းပြောချင်တာတွေ ခုဒို့ကိုပြောတော့။ ဒို့နားထောင်ဖို့ဆင်းလာတာ။ နေ့တိုင်း ဒီအုတ်ခုံမှာ မင်းလာလာထိုင်နေတာ ကြာတော့ ဒို့သနားလာပြီ”

သူမစကားအဆုံးမှာတော့ ကောင်လေးရဲ့ မျက်လုံးနှစ်ဘက်ဟာဂဏန်းမျက်စေ့လို ပြူးကျယ်လာတယ်။ သူ့ရဲ့လည်ပင်းဟာလည် ငှက်ကုလားအုတ်လို ရှည်လာတယ်လို့ သူမထင်တယ်။ ကောင်လေး ဝမ်းသာလုံးဆို့သွားတာ ဖြစ်မယ်လို့ သူမအပိုင်တွက်လိုက်တယ်။ “ဒီကောင်လေးနှယ်.. တော်တော်အတဲ့လူဆိုးလေး၊ အသည်းယားစရာလေး” လို့ သူမတွေးလိုက်တယ်။

“ဟိတ်..ပြောနေတာမကြားဘူးလား။ မင်းပြောချင်တာ.. ပြောလို့ဆို..လို့ဆို”

သူမ ပြောပြောဆိုဆိုနဲ့ ကောင်လေးဘေးမှာဝင်ထိုင်လိုက်တယ်။ သူမအထိုင်မှာပဲ ကောင်လေးက မတ်တပ်ပြန်ရပ်ပြန်တယ်။ သူမလိုက်ပြီးမတ်တပ်ရပ်တော့ ကောင်လေးပြန်ထိုင်ပြန်တယ်။

“ဒီမှာ ငါစိတ်တိုလာပြီ မင်းပြောမှာလား၊မပြောဘူးလား”

ကောင်လေးရဲ့ တံတွေးမြိုချသံ “ဂလု” ကို သူမကောင်းကောင်းကြားလိုက်တယ်။ အဲဒီလိုနဲ့ ဂလု၊ ဂလု နဲ့ သုံးလေးခါ ဂလုမှာတော့ ကောင်လေးစကားစပြောတယ်။ ကောင်လေးရဲ့ နှုတ်ခမ်းအဟမှာတင် သူမ မျက်လုံးနှစ်ဘက်ကို အသာမှေးပြီး အရသာခံပြီးနားထောင်လိုက်တယ်။ ကောင်လေးက သူမကို တဖြည်းဖြည်းချင်း စပြောတယ်…

“ဟုတ်ကဲ့..ပြော…ပြော.. ပါ့မယ်။ ဒေါ်ကြီးတို့အိမ်က wifi က password ခံမထားလို့ ကျွန်တော် ညနေတိုင်းလာသုံးတာပါ။ ဖုန်းဘေမရှိလို့ပါ။ စိတ်မဆိုးပါနဲ့”

Credit :(ၿဖိဳးသုတ)