ဖခင်နဲ့မိခင်နှစ်ဦးမှာမှ မိမိရင်သွေးလေး လူ့လောကကို ရောက်ရှိလာဖို့ အသက်အန္တရာယ်နဲ့ရင်းပြီး ကိုးလလွယ် ဆယ်လဖွားခဲ့ရတဲ့ မိခင်ရဲ့မေတ္တာဟာ ပိုမိုကြီးမားကြောင်းကို ဗုဒ္ဓကိုယ်တိုင် ဟောပြောဆုံးမပြခဲ့သလို တကယ့်
လက်တွေ့ဘဝမှာလည်း မိခင်များက သူတို့သားသမီးတွေအပေါ်ထားတဲ့ မေတ္တာစိတ်ကြီးမားမှုကို မျက်ဝါး ထင်ထင်မြင်တွေ့ကြားသိကြမှာပါ။
ဒါကြောင့်လည်း မိဘမေတ္တာကို ဖော်ကျူးတဲ့ စာပေ၊ ဂီတ၊ ရုပ်ရှင်စတဲ့ အနုပညာရပ်တွေထဲမှာ ဖခင်မေတ္တာထက် မိခင်မေတ္တာကို ပိုမိုအလေးပေး ဖော်ကျူးထားတာကို မြင်တွေ့ခံစားဖူးကြမှာပါ။
ခေတ် အဆက်ဆက် မိခင်မေတ္တာကို ဖော်ကျူးလာခဲ့ရာမှာ ခံစားထိရှဖွယ်ရာကောင်းတဲ့ ဝတ္ထု၊ ဇာတ်လမ်း၊ ရုပ်ရှင်နဲ့ တေးသီချင်းစတဲ့ အကြောင်း အရာတွေဟာ ဘယ်တော့မှ ရိုးမသွားနိုင်သလို နောင်လာနောက်သား လူငယ်တွေအတွက်လည်း သတိသံဝေဂ ရရင်ရသလို အကျိုးရှိစေခဲ့ပါတယ်။
အဲဒီလို ကိုယ်ကျင်လည်ရာ အနုပညာနယ်ပယ် အသီးသီးက မိခင်မေတ္တာဘွဲ့ အကြောင်းအရာတွေကို ဖွဲ့သီ နေကြတဲ့အထဲမှာ ဂီတလောကရဲ့ ဂီတပါရမီရှင် တဦးအဖြစ် ပရိသတ်တွေက သတ်မှတ်လက်ခံခဲ့ကြပြီး ဂီတ ကောင်းကင်ကနေ စောစီးစွာ ကြွေလွင့်သွားရှာသူ ကိုငှက် (ခ) ထူးအိမ်သင်က သူတတ်ကျွမ်းတဲ့ ဂီတအနုပညာ နဲ့ “အမေ (သို့) မေတ္တာတော်ဘွဲ့” တေး Album နဲ့ မိခင်များရဲ့မေတ္တာတရားကို ဖော်ကျူးခဲ့ပါတယ်။ နောက်ပြီး ထူးခြားတဲ့တေး ဗူဘကာ တချပ်အဖြစ်လည်း မှတ်တမ်း တင်နိုင်ခဲ့ပါတယ်။ တခြား မိခင်မေတ္တာဖွဲ့တေး Album တချို့ ရှိခဲ့ပေမယ့် ကိုငှက်ရဲ့ ဒီ “မေတ္တာတော်ဘွဲ့” Album ဟာ ဘာကြောင့်ပိုပြီး လူကြိုက်များ အောင်မြင်ခဲ့ ရသလဲ ဆိုတာကို ပြန် ဆန်းစစ်ကြည့်မိတဲ့အခါ . . .
(၁) ဒီ Album ကို ဖန်တီးဖော်ကျူးတဲ့ ကိုငှက်ကိုယ်တိုင်က သူ့မိခင်ရဲ့မေတ္တာတရားပေါ် လေးနက်စွာ သိရှိနားလည် ခံယူနိုင်မှု က အဓိကအကြောင်းရင်းတရပ် ဖြစ်သလို
(၂) ကိုငှက်ရဲ့ ပင်ကိုသံကိုက ကရုဏာသံရှိပြီး ဆွဲဆောင်မှုရှိတဲ့ အသံပါရမီကို ပိုင်ဆိုင်ထားသူ ဖြစ်နေတဲ့အပြင်
(၃) ဒီ Album မှာ ပါဝင်တဲ့ မိခင်မေတ္တာဘွဲ့ သီချင်းတွေကို ရေးစပ်ဖန်တီးပေးကြတဲ့ (ကိုငှက်အပါအဝင်) ကျန်တဲ့ သီချင်းရေးဆရာများကလည်း လူကြိုက်များပြီးသား တေးရေးဆရာများ ဖြစ်သလို ဒီသီချင်းတွေကို ဖန်တီးထားတဲ့ သူတို့ရဲ့ အတွေးစိတ်ကူး အားကောင်းတဲ့ လက်ရာမွန်တွေကြောင့်ပဲ ဖြစ်ပါတယ်။
သီချင်း (၁၁) ပုဒ်စလုံးဟာ သူ့ အကြောင်းအရ နဲ့သူ၊ သူ့ Music Style နဲ့သူ လေးနက်နေတာကို ကြားသိခံစားနိုင်ကြမှာ ဖြစ်ပါတယ်။
ဒီ Album ဟာ ကိုငှက်ရဲ့ တခြား Album တွေနဲ့မတူဘဲ သီးခြားအကြောင်းအရာတရပ်အဖြစ် ထွက်ရှိလာခဲ့တဲ့ တေး Album တချပ်ဖြစ်သလို သူလိုငါလို တခြား အနုပညာရှင်တွေကိုလည်း အဲဒီလိုတေး Album ပုံစံ ဆန်ဆန်မျိုး (အကြောင်းအရာ တူချင်မှတူပေါ့) ဖန်တီးသင့်ကြောင်းကို ချပြခဲ့တာလို့ ယူဆမိပါတယ်။ ဒီ Album ထဲမှာ ပါဝင်တဲ့ သီချင်းအားလုံးက ကြားဖူးပြီးသား နားရည်ဝပြီးသား သီချင်းတွေဖြစ်ပေမယ့် ဂီတပါရမီရှင် ကိုငှက်က ပုံစံတမျိုးနဲ့ ကွဲပြားအောင် ဖန်တီးသီဆိုပြနိုင်ခဲ့ပြီး နားဆင်ခံစားသူရဲ့ စိတ်ကို သီချင်းအသစ်တွေ ခံစားနားဆင် နေရသလိုဖြစ်အောင် သူရဲ့ ဂီတမှော်အတတ်နဲ့ အစွမ်းပြနိုင်ခဲ့ပါတယ်။
ဒီ Album နဲ့ပတ်သက်ပြီး ကိုငှက်က …
အမေ့ကိုချစ်သော သားများ . . . သို့
(ထို့ထက်ပို၍)
အဝေးရောက်သားများ . . . သို့
(ထို့ထက်ပို၍)
သားဆိုးများ . . . သို့
အထူးသဖြင့် အမေ့ကိုချစ်သော အဝေးရောက် သားဆိုးများသို့ ရည်ညွှန်းပါသည်လို့ မှတ်ချက်ပေးထားပုံက ရိုးရိုးလေးနဲ့ အဓိပ္ပာယ်ပြည့်ဝနေတာမို့ ဒီ Album ပေါ်ပိုပြီး အာရုံစိုက်မှုရှိစေခဲ့တဲ့အပြင် ကိုငှက်အနေနဲ့ အပြောနဲ့အလုပ်ကို တထပ်တည်းကျအောင် လုပ်ပြနိုင်ခဲ့တာကို တွေ့ရပါတယ်။
Album ရဲ့ အဖွင့်သီချင်းဖြစ်တဲ့ “ကျေးဇူးပါ မေမေ” သီချင်းလေးက အကြောင်းအရာနဲ့ လိုက်ဖက်အောင် ကရုဏာသံနဲ့ တမ်းတမ်းတတသီဆိုသွားတဲ့ ကိုငှက်ရဲ့ Vocal Color ကလည်း ဆွဲဆောင်မှု ရှိလှတာမို့ သီချင်းအပေါ် ခံစားမှုတို့ ပိုမိုအားကောင်း လာစေခဲ့ပါတယ်။
Jazz Mood “အမေ့ရဲ့ ဒုက္ခ အိုးလေး” သီချင်းဟာ “မြို့ပြလရောင် တမ်းချင်း” Album မှာ ကတည်းက လူကြိုက်များခဲ့ပြီးသား သီချင်းပုဒ်ဖြစ်ပေမယ့် ကိုငှက်ရဲ့ ပါရမီထူးကဲလှတဲ့ အဆိုပညာနဲ့ Version ကို မသိမသာလေး ပြောင်းသွားတဲ့ Arrangement ရဲ့သေသပ်လှပမှုကြောင့် သီချင်းသစ်တပုဒ်လို ခံစားမိစေပြီး ဘဝတလျှောက်လုံး အမေ့ကို ဒုက္ခပေးခဲ့မိတဲ့ သားတယောက်ရဲ့ နာကျင်ကြေကွဲမှုတွေကို အဓိပ္ပာယ် ပြည့်ဝ လေးနက်တဲ့စကားလုံးတွေနဲ့ ကိုငှက်ကိုယ်တိုင် ဖန်တီးရေးဖွဲ့ထားတဲ့ ဂန္ထဝင်မြောက် သီချင်းကောင်းတပုဒ် ဖြစ်ပါတယ်။ ဘယ်အချိန် နားထောင်နားထောင် ဘယ်တော့မှ ရိုးမသွားနိုင်ဘဲ ဒီ Album ထဲမှာ ထူးကဲစွာ အသက်ဝင်နေခဲ့ပါတယ်။
အနယ်နယ်အရပ်ရပ်က လူကြီးလူလတ်ကစလို့ ကလေးပါမကျန် ပရိသတ်အများစု သိထားကြပြီး သား “အမေ့အိမ်” သီချင်းဟာ ကိုငှက်ရဲ့ ဒုတိယ Single “မှော်ဆရာ အိပ်မက်” Album မှာ ကတည်းကံသအ ဖြစ်ခဲ့ပြီးသား သီချင်းတပုဒ် ဖြစ်ပေမယ့် ဒီ Album ထဲမှာ ပြန်နားထောင် ဖြစ်တဲ့အခါမှာလည်း သစ်လွင်ကောင်း မွန်နေတာကို တွေ့ရပါတယ်။ Country Mood ဆန်ဆန် ရေးဖွဲ့ထားပြီး ဘယ်တော့မှ ရိုးမသွားနိုင်တဲ့ ကိုငှက်ရဲ့ ဆိုဟန်အပြင် ရိုးရိုးလေးနဲ့ အားကောင်းလှတဲ့ အကြောင်းအရာနဲ့ Version ကို သိသိသာသာ မပြောင်းဘဲ သီချင်းရဲ့ ရှိပြီးသား Frameပေါ်မှာ ပါးပါးလေး တို့ထိသွားတဲ့ Arran-gement ရဲ့ ထူးခြားမှု ကလည်း မိခင် မေတ္တာဘွဲ့ ဂန္ထဝင်မြောက် သီချင်းတွေထဲမှာ တပုဒ်အပါအဝင်အဖြစ် မှတ်တမ်းတင် ကျန်ရစ် စေခဲ့တဲ့ သီချင်းတပုဒ်ပဲ ဖြစ်ပါတယ်။
ဒီ Album ထဲ မှာ Music Sytle အရ ရော၊ စာသားအကြောင်းအရာအရပါ ထူးခြားမှုအရှိဆုံးလို့ သတ်မှတ်လို့ ရမယ့် သီချင်းကတော့ “အရိပ်စစ်” ဆိုတဲ့ သီချင်းပဲဖြစ်ပါတယ်။ ထူးခြားတဲ့ Music Frame ပေါ်မှာ လှပတဲ့ Chord Phrasing တွေနဲ့ ကိုငှက်ရဲ့ ပါရမီထူးကဲတဲ့ Vocal Color တို့ ပေါင်းစုံမိတဲ့အခါမှာတော့ နားဆင်သူတို့ ရဲ့ရင်ကို နာကျင်ထိရှ ခံစားမိစေတဲ့ မေတ္တာတော်ဘွဲ့ Album ထဲက ထူးခြားမှု အရှိဆုံးနဲ့ အသစ်လွင်ဆုံး သီချင်းလေးတပုဒ်ပဲ ဖြစ်ပါတယ်။
ဒါ့အပြင် “ကြွေးဟောင်းဆပ်ခွင့်ပြုပါ အမေ”သီချင်းလေးကလည်း မွန်းအောင် ခေတ်ကတည်းက လူကြိုက် များခဲ့ပြီးသား သီချင်းတပုဒ်ပါ။ အဲဒီအပေါ် မှာမှ ကိုငှက်က ကရုဏာသံပိုမြောက်အောင် သူ့အနုပညာ အတတ်ပညာနဲ့ ထပ်ဆင့် မွမ်းမံနိုင်ခဲ့တာကြောင့် ပိုပြီးလူသိများလာခဲ့တဲ့ သီချင်းဖြစ်ခဲ့သလို “မေမေချစ်တဲ့ သားကြီး” နဲ့ “မေမေနေကောင်းလား”သီချင်းနှစ်ပုဒ်ကလည်း ကိုငှက်ရဲ့ မိခင်မေတ္တာဖွဲ့ အလင်းရောင်ကို ပိုမို လင်းလက် တောက်ပလာစေခဲ့ပါတယ်။
ထူးအိမ်သင်ရဲ့ “အမေ (သို့) မေတ္တာတော်ဘွဲ့” တေး Album ဟာ အိမ်တိုင်း အိမ်တိုင်းက လူကြီး၊ လူငယ်မရွေး ဝယ်ယူ ထိန်းသိမ်း နားဆင်ခံစားသင့်တဲ့ ဗူဘကာ တချပ်ဖြစ်ပါကြောင်း ညွန်းဖွဲ့ရင်း စောစီးစွာ ကြွေလွင့်သွားခဲ့ ရှာတဲ့ ဂီတပါရမီရှင် ကိုငှက် (ခ) ထူးအိမ်သင်အတွက် အမှတ်တရ ဂုဏ်ပြုရေးသား ဖော်ပြလိုက်ရပါတယ်။
ဒီ အမေ မေတ္တာဖွဲ့တေး Album လိုပဲ အဖေ မေတ္တာဖွဲ့တေး Album တချပ်နဲ့ ဂီတလောကထဲက ဘယ်လို ပုဂ္ဂိုလ်တွေကများ ဖခင်ကောင်းတွေရဲ့ မေတ္တာတရားကြီးမားပုံကို ဘယ်လိုဘယ်ပုံ ရည်ညွှန်း ဂုဏ်ပြုလာ ကြဦးမလဲဆိုတာ ပရိသတ် တယောက် အနေနဲ့ ခံစားကြည့်လိုတဲ့ စိတ်ဆန္ဒနဲ့ မျှော်လင့်နေမိပါသေးတယ်။ လောက ကမ္ဘာမှာ မိခင်ကောင်းတယောက်လို မေတ္တာနဲ့ စိတ်နေစိတ်ထားမျိုးရှိတဲ့ ဖခင်တွေဆိုတာလည်း ဒုနဲ့ဒေး ရှိနေကြသေးတယ် မဟုတ်ပါလားဗျာ။
မှတ်ချက်များ