 |
ဓါတ်ပုံ - လင်းမြတ် |
ဇန်နဝါရီ ၈ရက်က ဗဟန်းမြို့နယ် တရားသူကြီးထံမှ ရမန်ရယူခဲ့ခြင်းဖြစ်သည်။အမှုစစ်စခန်းမှူး ဒုရဲမှူး သိန်း ဝင်းက ''ဒီနေ့တော့ မြို့နယ်ရုံးပေါ့။ အဲဒီနေ့ ကျရင် အနောက်ပိုင်းခရိုင် တရားရုံးချမှာ ပါ''ဟုပြောသည်။
အခင်းဖြစ်စဉ် သေဆုံးခဲ့သော မနုနုယဉ်(ခ)မတေးနုယဉ်၏ ဆေးစစ်ချက် အဖြေထွက်ရှိပြီဟု အမှုစစ်စခန်း မှူးကပြော ဆိုခဲ့သော်လည်း ဆေးစာပါအချက်အလက် များကို ထုတ်ဖော်ပြောဆိုခြင်း မရှိချေ။''ဆေးစစ်ချက် က ထွက်ပါပြီ။ဆေးစစ်ချက်ကို ကျွန်တော်တို့က ပြောပိုင် ခွင့်မရှိပါဘူး''ဟု စခန်းမှူးကဆိုသည်။
သရုပ်ဆောင်မင်းအုပ်စိုးနှင့် တေးနုယဉ်(ခ)မနုနုယဉ်မှာ အမှုဖြစ်ပွားစဉ် က မောင်နှမဝမ်းကွဲဟု ယူဆပြော ဆိုနေ ကြသော်လည်း ၄င်းတို့နှစ်ဦးမှာ လုပ်ဖော် ကိုင်ဖက်များသာဖြစ်ကြောင်း သရုပ်ဆောင် မင်းအုပ်စိုး ကပြောသည်။
''သရပါမဂ္ဂဇင်းမှာ ကျွန်တော် က အယ်ဒီတာချုပ်ပါ။ မနုနုယဉ်က လက် ထောက်အယ်ဒီတာပါ။ အကြောင်း အမျိုးမျိုး ကြောင့် ဖြစ်သွားခဲ့တာပါ။ မနုနုယဉ်နဲ့ကျွန် တော် အလုပ်အတူလုပ်လာတာ ခြောက် နှစ်နီးပါးရှိပါပြီ။ အခင်းဖြစ်ပွားတုန်းက ကျွန် တော် တားမြစ်ဆေးမသုံးစွဲထားပါဘူး။ ဖြစ် နိုင်ရင် မနုနုယဉ်ရဲ့မိဘတွေကို
တောင်းပန် ချင်ပါတယ်'' ဟု သရုပ်ဆောင်မင်းအုပ်စိုးက ဇန်နဝါရီ ၈ရက်တွင် ဗဟန်းမြို့နယ်တရား ရုံးအတွင်း ၌ မီဒီယာများသို့ ပြောသည်။
အခင်းဖြစ်ပွားနေစဉ် ကာလအ တွင်း တားမြစ်မူးယစ်ဆေးသုံးစွဲထားခြင်း ရှိ၊မရှိ တာဝန်ရှိသူများထံသို့ မေး
မြန်းခဲ့သော် လည်း တစ်စုံတစ်ရာဖြေကြားခဲ့ခြင်း မရှိပေ။
၂ဝ၁၄ခုနှစ် ဒီဇင်ဘာ၂၅ရက် က မင်းအုပ်စိုးနှင့် တစ်အိမ်တည်းနေထိုင် သည့် သရပါမဂ္ဂဇင်းမှ အယ်ဒီတာ မနုနုယဉ် (ခ) မတေးနုယဉ်ကို မင်းအုပ်စိုးက ရိုက် နှက်ထိုးကြိတ်ခဲ့သဖြင့် မနုနုယဉ်မှာ ဒဏ် ရာများရရှိပြီး
သေဆုံးခဲ့သည်။
မင်းအုပ်စိုးက ရဲစခန်းသို့ လာ ရောက်ဖမ်းဆီးခံခဲ့သဖြင့် ဗဟန်းမြို့မရဲစ ခန်းမှူးက ပြစ်မှုပုဒ်မ ၃ဝ၂ဖြင့် ဖမ်းဆီးစစ် ဆေးပြီး ဒီဇင်ဘာ၂၆ရက်တွင် အင်းစိန်အ ကျဉ်းထောင်သို့ ပြောင်းလဲထိန်းသိမ်းခဲ့သည်။
လင်းမြတ် ၊ မင်းအံ့သွန်း | Yangon Media Group
မှတ်ချက်များ