လေးခွေမြောက်ထွက်ရှိမယ့် ၁၉:၁၈ အခွေအကြောင်း ပြောပြပေးသွားတဲ့ စည်သူလွင်

တစ်ချိန်က ဂီတလောကမှာ အောင်မြင်မှုတွေ ရရှိခဲ့သလို လက်ရှိမှာလဲ အိပ်မက်ဆုံရာ အစီအစဉ်မှာ ဒိုင်အဖြစ်ပါဝင်ဆောင်ရွက်နေတဲ့ စည်သူလွင်ကို ပွဲတစ်ခုမှာတွေ့ဆုံခိုက် အနုပညာလှုပ်ရှားမှု ဘာတွေရှိသလဲဆိုတာ မေးမြန်းဖြစ်တဲ့အခါ ‘ဆောင်းဦးလှိုင်တို့ အဲလက်စ်တို့နဲ့ ၁၉:၁၈ (၄) ထွက်ဖို့ရှိပါတယ်။ 

အစ်ကိုတို့ဖက်က အားလုံးအခွေတွေ အပ်ပြီးသွားပြီ။ ပရိုဂျူဆာဖက်က ထုတ်ဖို့ပဲ ရှိပါတော့တယ်။ အစ်ကိုတို့က အကုန်ပေးပြီးသွားပြီ။ သင်္ကြန်ကလဲ ခံနေတော့ သူတို့ဘယ်တော့လောက် ထွက်မလဲ အတိအကျ မပြောတတ်ဘူး။ အရင်ကလဲ တစ်၊ နှစ် ၊ သုံးဆိုပြီး ထွက်ဖူးတယ်။ အခုကတော့ လေးခွေမြောက်ပေါ့။ ၁၉:၁၈ အခွေ ပထမ ထွက်ဖူးခဲ့သလို ပရိသတ်ကြိုက်မဲ့ ပုံစံလေးတွေကိုပဲ ဦးစားပေးလုပ်ထားတာပါ။ ပေါ့ချိုချိုအေးအေးလေးတွေ၊ နောက်R&Bကို သွားတဲ့သီချင်းပုံစံလေးတွေ ပါပါတယ်။ 

ဒါပေမဲ့ ခေတ်အရတော့ သီချင်းပုံစံကွာတာလေးတွေတော့ ရှိတာပေါ့နော်။ သီချင်းက အကုန် အသစ်တွေကြီးပဲ။ သီချင်းတိုင်းကို ၃ယောက်တွဲကြီးပဲ ဆိုထားတယ်။ တစ်ယောက်တည်း ဆိုတာတွေ မပါပါဘူး။ အရင် တစ် ၊ နှစ် သုံး ထွက်ပြီးတာနဲ့အမျှ အခုထွက်မဲ့လေးက ကြားထဲမှာ ၇နှစ်၈နှစ်လောက်ကို ကွာသွားတယ်။ တစ်ယောက်စီ တစ်ယောက်စီက ကိုယ့်အလုပ်နဲ့ကိုယ် ဆိုတော့ သီးခြားစီလုပ်ဖို့ကလဲ ခက်ခဲတယ်။ အဲဒါနဲ့ ဒီခွေလေးကို သုံးယောက်ပေါင်းပြီး တက်ညီလက်ညီ လုပ်ထားတဲ့ အခွေလေးဖြစ်တဲ့အတွက် ရင်ခုန်မှုကတော့ တစ်မျိုးပေါ့နော်။ 

မျှော်လင့်တာကတော့ ပရိသတ်ရဲ့ ရင်ထဲကို ဒီသီချင်းလေးတွေ တော်တော်များများ ရောက်ဖို့ပါပဲ။ ဘာလို့လဲဆိုတော့ ၁၉:၁၈က နဂိုကတည်းကလဲ အမာခံပရိသတ်တွေရှိပြီးသား၊ သေချာ အချိန်ယူပြီး လုပ်ထားတာဖြစ်တဲ့တွက် ပရိသတ်တွေ စိတ်ဝင်စားကြမယ်လို့ မျှော်လင့်မိပါတယ်။ တီးဝိုင်းက ကိုဥက္ကာ တီးထားတယ်။ အရင်ခေတ်က ပုံနဲ့အခုခေတ်ပုံ ဆိုပြီး နဲနဲလေးပဲ ပြောင်းလဲတာမျိုးပဲရှိတာပါ။ သိသိသာသာ ပြောင်းလဲသွားတာမျိုးတော့ မရှိပါဘူး။ အရင်စတိုင်လ်ပါပဲ။ အချစ်သီချင်း ချိုချိုအေးအေးလေးတွေကြိုက်တဲ့ ပရိသတ်တွေတွက် ရည်ရွယ်ထားပါတယ်’လို့ သူက အခွေအကြောင်း ပြည့်ပြည့်စုံစုံ ပြောပြသွားပါတယ်။

ခင်ဆွေသက် | Trend Myanmar