နီပေါ ငလျင် အရှိန်မသေသေးလို့ ယူဆနေ

ဂျပန်ရဲ့ ALOS-2 ဆက်တလိုက် ဓာတ်ပုံ (Credit: ABC licensed)

ဆက်တလိုက် ​ဓာတ်ပုံတွေအရ ​နီပေါနိုင်ငံ ​Katmandu ​မြို့အနားမှာ ​မြေကြီးတွေ ​၁.၃၇ ​မီတာလောက်သာ ​ကျွံကျသွားတဲ့အတွက် ​နောက်ဆက်တွဲ ​ငလျင်အရှိန်တွေ ​မကုန်သေးမှာကို ​ပညာရှင်တွေက ​စိုးရိမ်နေကြပါတယ်။

လူပေါင်း ​ထောင်နဲ့ချီ ​သေဆုံးခဲ့ရတဲ့ ​ငလျင်ရဲ့ ​အရှိန်က ​မသေလောက်သေးဘူးလို့ ​ပညာရှင်တွေက ​ယူဆနေကြတာပါ။

ဖေဖော်ဝါရီလ ​၂၁ ​ရက်ကနေ ​မေလ ​၁ ​ရက်နေ့အထိ ​နီပေါနိုင်ငံပေါ်ကို ​ဖြတ်ကျော်သွားတဲ့ ​ဂျပန်နိုင်ငံပိုင် ​ဆက်တလိုက် ​ဓာတ်ပုံတွေကို ​သြစတြေးလျနိုင်ငံ ​နယူးဆောက်သ်ဝေးလ် ​တက္ကသိုလ်က ​ပညာရှင်တွေက ​လေ့လာခဲ့ပါတယ်။

နီပေါငလျင်က ​ဧပြီလ ​၂၅ ​ရက်နေ့မှာ ​လှုတ်ခတ်ခဲ့တာပါ။

ငလျင်ကြောင့် ​မြေကျွံကျမှုတွေ ​ဖြစ်ပေါ်တာကို ​တွေ့ခဲ့ရပြီး ​ငလျင်ဗဟိုပြု ​လှုပ်ခတ်ခဲ့တဲ့ ​ဒေသမှာ ​ဖြစ်ပွားတာ ​မဟုတ်ပဲ ​မြို့တော် ​Kathmandu ​အနောက်ဘက် ​ကီလိုမီတာ ​၈၀ ​အကွာလောက်မှာ ​ဖြစ်ပွားခဲ့တာကို ​တွေ့ခဲ့ရပါတယ်။

မြေကြီးက ​ထင်ထားသလောက် ​မပျက်စီးတဲ့အတွက် ​ဒီထက်မကတဲ့ ​နောက်ဆက်တွဲ ​ငလျင် ​လှုတ်ခတ်မလားဆိုပြီး ​စိုးရိမ်နေကြပါတယ်။

ပုံမှန်အားဖြင့် ​မြေကြီးတွေ ​ဒီထက် ​ပျက်စီးရမှာ ​ဖြစ်ပေမယ့် ​အခုအခြေအနေအရ ​ငလျင် ​အရှိန်က ​မကုန်သေးဘူးလား ​ဆိုတာမျိုး ​သုံးသပ်ရမလို ​ဖြစ်နေပြီလို့ ​တွဲဘက်ပါမောက္ခ ​Linlin ​Ge ​က ​ပြောပါတယ်။

၂၀၀၈ ​ခုနှစ်တုန်းက ​တရုတ်နိုင်ငံ ​Sichuan ​ပြည်နယ်မှာ ​ဖြစ်ခဲ့တဲ့ ​ပြင်းအား ​၈ ​ရှိတဲ့ ​ငလျင်တုန်းကဆိုရင် ​မြေကျွံကျမှု ​၆.၇ ​မီတာ ​အထိတောင် ​ရှိခဲ့ပြီး ​နောက်ဆက်တွဲ ​ငလျင် ​အကြိမ်ပေါင်း ​ရာနဲ့ချီ ​လှုတ်ခတ်ခဲ့တယ်လို့ ​ဆိုပါတယ်။

နီပေါငလျင်လောက် ​အင်အားပြင်းတဲ့ ​၁၉၀၆ ​မှာ ​လှုပ်ခတ်တဲ့ ​ဆန်ဖရန်စ္စကို ​မြေငလျင်တုန်းကလည်း ​မြေကျွံမှု ​၄.၅ ​မီတာလောက် ​ဖြစ်ပေါ်ခဲ့ပါတယ်။

ဒါပေမဲ့ ​နီပေါငလျင်မှာ ​မြေအပြောင်းအလဲက ​၁ ​မီတာပဲ ​ရှိတဲ့အပေါ် ​အံ့အားသင့်နေကြတာဖြစ်ပြီး ​နောက်ဆက်တွဲ ​ငလျင်ရဲ့ ​ပြင်းအားကို ​ခန့်မှန်းရ ​ခက်နေကြတာ ​ဖြစ်ပါတယ်။

အိန္ဒိယနဲ့ ​ယူအေးရှား ​ငလျင်ကြော ​တလျှောက်မှာ ​ငလျင်လှုတ်ခတ်မှုတွေ ​ဖြစ်ပေါ်ရင် ​စိတ်သက်သာ ​စရာ ​ရှိပေမယ့် ​နောက်ဆက်တွဲ ​ငလျင်တွေ ​ပျောက်ဆုံးနေတာကြောင့် ​စိတ်မသက်မသာ ​ဖြစ်နေကြပါတယ်။

ငလျင်ကြော ​တလျှောက်မှာ ​နောက်ဆက်တွဲ ​ငလျင် ​အခုပေါင်း ​ရာနဲ့ချီ ​လှုတ်ခတ်ရမှာ ​ဖြစ်ပေမယ့် ​ဒါဇင်နဲ့ချီသာ ​နောက်ဆက်တွဲအနေနဲ့ ​လှုပ်ခတ်ခဲ့တာကြောင့် ​ငလျင်ရဲ့ ​အားက ​ကုန်ပြီလား ​မကုန်သေးဘူးလားဆိုတာကို ​ခန့်မှန်းရ ​ခက်တယ်လို့ ​ပြောနေတာ ​ဖြစ်ပါတယ်။

Kate Higgins - ABC Radio Australia