အကျဉ်းသားပုံကို တင်လို့ သြစီအစိုးရ စိတ်ဆိုး

အင်ဒိုနီးရှား ရဲချုပ်က သြစီအကျဉ်းသားနဲ့ လေယာဉ်ပေါ် ရိုက်နေပုံ

သြစတြေးလျနိုင်ငံသား ​အကျဉ်းသား ​နှစ်ဦးကို ​အင်ဒိုနီးရှားက ​ထောင်ပြောင်းနေတုန်း ​လေယာဉ်ပေါ်မှာ ​အင်ဒိုနီးရှားရဲက ​အကျဉ်းသားနဲ့ ​ဓာတ်ပုံရိုက်ပြီး ​တင်ထားတဲ့အပေါ် ​သြစတြေးလျ ​အစိုးရက ​အမျက်ဒေါသ ​ထွက်နေပါတယ်။

အဲဒီအတွက် ​အင်ဒိုနီးရှား ​သံအမတ်ကို ​ဆင့်ခေါ်ပြီး ​ဒီလုပ်ရပ်ကို ​ကန့်ကွက်ကြောင်း ​တရားဝင် ​ပြောဆို လိုက်ပါတယ်။

ဝန်ကြီး ​ခရစ္စတိုဖာ ​ပိုင်း ​က ​ဒီလို ​လုပ်ရပ်ဟာ ​မသင့်တော်တဲ့ ​လုပ်ရပ်ဖြစ်တာကြောင့် ​ဒီကိစ္စကို ​ပြတ်သားစွာ ​ပြောဆိုရတာဖြစ်ကြောင်း ​နိုင်ငံခြားရေးဝန်ကြီးက ​အင်ဒိုနီးရှား ​သံအမတ်ကို ​မနေ့ညက ​ဆင့်ခေါ်ပြီး ​အင်ဒိုနီး ရှားရဲအရာရှိရဲ့ ​လုပ်ရပ်ကို ​ရှုတ်ချခဲ့တယ်လို့ ​ပြောသွားခဲ့ပါတယ်။

မကြာခင် ​ပစ်သတ်ခံရတော့မယ့် ​သူတွေကို ​ဓာတ်ပုံရိုက်တာဟာ ​လေးစားမှုမရှိသလို ​လူ့ဂုဏ်သက္ခာကို ​မငဲ့ရာ ​ရောက်တယ်လို့လည်း ​သြစတြေးလျ ​နိုင်ငံ ​ဝန်ကြီးချုပ် ​တိုနီအာဘော့တ်က ​ပြောပါတယ်။

လေယာဉ်ပေါ် ​ထိုင်နေတဲ့ ​အကျဉ်းသားတွေနဲ့ ​ဓာတ်ပုံ ​တွဲရိုက်ခဲ့တဲ့ ​အင်ဒိုနီးရှား ​ရဲအရာရှိကတော့ ​အကျဉ်း သားတွေ ​စိတ်သက်သာရာ ​ရအောင် ​စကားစမြည် ​ပြောဆိုတုန်း ​ဓာတ်ပုံ ​ရိုက်ခဲ့ခြင်းသာ ​ဖြစ်တယ်လို့ ​ပြောပါတယ်။

သူဓာတ်ပုံ ​ရိုက်တာကို ​အကျဉ်းသားတွေတောင် ​မသိခဲ့ဘူးလို့ ​ရှင်းပြပါတယ်။

အဲဒီ ​အကျဉ်းသားတွေဟာ ​မူးယစ်ဆေးဝါ ​ကုန်ကူးမှုနဲ့ ​မကြာခင်မှာ ​ပစ်သတ်ခံရမယ့် ​လူတွေ ​ဖြစ်ကြပါ တယ်။

ထောင်ပြောင်းနေစဉ် ​လမ်းခုလတ်မှာ ​ဓာတ်ပုံ ​တွဲရိုက်တာကို ​သြစတြေးလျက ​မကျေမနပ် ​ဖြစ်နေသလို ​ဒီအကျဉ်းသားတွေကို ​ထောင်ပြောင်းရာမှာလည်း ​မလိုအပ်ပဲ ​လုံခြုံရေး ​အင်အား ​အများအပြား ​ချထားတဲ့ အပေါ် ​ဝေဖန်လိုက်ပါတယ်။

ဒီအကျဉ်းသားတွေကို ​ထောင်ပြောင်းတဲ့အခါမှာ ​ရဲအင်အား ​အမြောက်အများသုံးပြီး ​ရဟတ်ယာဉ်တွေ၊ ​လေယာဉ်တွေပါ ​အသုံးပြုခဲ့တာ ​ဖြစ်ပါတယ်။

ဒါ့အပြင် ​အကျဉ်းသားတွေကို ​ပစ်သတ်ဖို့ ​အင်ဒိုနီးရှားက ​သေနတ်ပစ်တာကို ​လေ့ကျင့်စမ်းသပ်နေတယ် ​ဆိုတဲ့ ​သတင်းအပေါ်မှာလည်း ​သြစတြေးလျနိုင်ငံသားတွေက ​အမျက်ဒေါသ ​ထွက်နေကြပါတယ်။

အခုလောလောဆယ် ​အချိန်အထိ ​ဒီအကျဉ်းသားတွေကို ​ဘယ်နေ့မှာ ​ပစ်သတ်မယ်ဆိုတာကို ​မသိ ရသေးပါဘူး။

ABC Radio Australia