ရောင်းထွက်ပြီးသား လက်မှတ်တွေကို eBay မှာ တစ်ဆင့်ပြန်လည်ရောင်းချနေကြပြီး လက်မှတ် တစ်စောင် ကို အနိမ့်ဆုံးဒေါ်လာ ၂၀၀ ကနေ အမြင့်ဆုံး ဒေါ်လာ ၅၀၀ လောက်အ ထိ ဈေးပေါက်ကုန်တယ် လို့ သိရပါ တယ်။ လက်မှတ် နောက်တစ်သုတ်ရောင်းချဖို့  ရှိသေးလားဆိုတာကိုတော့ အတည်ပြုနိုင်ခြင်းမ ရှိသေးပါဘူး တဲ့။
လေးရက်ကြာမြင့်မယ့် Dota 2 ပြိုင်ပွဲကြီးကို ဂျူလိုင် ၁၈ ရက်နေ့ မှာ အမေရိကန်နိုင်ငံ၊ ဆီယက်တယ်မြို့ က Key Arena ခန်းမ မှာ စတင်ကျင်းပမှာဖြစ်ပြီး လက်မှတ်တွေကို ဧပြီလ ၄ ရက်နေ့ က ထုတ်ရောင်းချခဲ့ တာပါ။ လေးရက်စာ လက်မှတ်တစ်စောင်ကို ၉၉ ဒေါ်လာနဲ့ ရောင်းချခဲ့တာဖြစ်ပြီး အလွတ်တန်း ၁၉၉ ဒေါ် လာ နဲ့ VIP လက်မှတ်တွေကတော့ ၄၉၉ ဒေါ်လာနဲ့ ဖြစ်ပါတယ်။
ဒီနှစ်ပြိုင်ပွဲမှာ Dota 2 အသင်း စုစုပေါင်း ၁၆ သင်းပါဝင်ယှဉ်ပြိုင်မှာဖြစ်ပြီး ၁၁ သင်းက တိုက်ရိုက်ဝင်ခွင့် ရရှိထား ပါတယ်။ အမေရိက၊ဥရောပ၊ တရုတ်နဲ့ အရှေ့ တောင်အာရှ ကျန်တဲ့ ဒေသလေးခုက ထိပ်ဆုံးအ
သင်း ၄ သင်း ထပ်ပါဝင်ခွင့်ရရှိမှာဖြစ်သလို ဒေသလေးခုက ဒုတိယလိုက်တဲ့အသင်းလေးသင်းကို ယှဉ်ပြိုင်ကစားစေပြီး အနိုင်ရရှိတဲ့အသင်းက လက်ကျန် တစ်နေရာကို ၀င်ရောက်ခွင့်ရရှိမှာဖြစ်ပါတယ်။
ဒီနှစ် ၂၀၁၄ အပြည်ပြည်ဆိုင်ရာ Dota 2 ပြိုင်ပွဲအတွက် မနှစ်ကကျင်းပပြုလုပ်ခဲ့တဲ့ ၂၀၁၃ ချန်ပီယံရှစ်မှာ နာမည်ကြီး ယူကရိန်းအသင်း Na’Vi ကို အနိုင်ယူပြီး ဆွီဒင်အသင်း Alliance က ပထမ ဆုကြေးငွေ ဒေါ်လာ ၁.၄ သန်းကို ဆွတ်ခူးရရှိခဲ့ပါတယ်။ မနှစ်ကပြိုင်ပွဲမှာ စုစုပေါင်းဆုကြေးငွေ ဒေါ်လာ ၂.၈ သန်း ချီးမြှင့်ပေးအပ် ခဲ့ပြီး e-sports သမိုင်းတစ်လျှောက် အများဆုံးဆုကြေးငွေဖြစ်ခဲ့ပါတယ်။
Angel | Trend Myanmar
မှတ်ချက်များ