လူ​မှောင်​ခို​မှု​မှာ ​စစ်​တပ်​က ​ပါ​ဝင် ​နေ​ပြီ​လား

ရ​ခိုင်​ပြည်​နယ် ​ဒု​က္ခ​သည် ​စ​ခန်း​တွေ​မှာ ​နေ​ထိုင်​သူ ​မွတ်​စ​လင်​ဦး​ရေ ​ရှစ်​သောင်း ​နီး​ပါး​ရှိ

ရ​ခိုင်​ပြည်​နယ်၊ ​စစ်​တွေ​မြို့​အ​နီး ​ဒု​က္ခ​သည်​စ​ခန်း​က​နေ ​စစ်​တပ်​က ​ကား​တ​စီး​နဲ့ ​လိုက်​ပါ​လာ​တဲ့ ​မွတ်​စ​လင် ၁၀​ဦး​ကို ​မှော်​ဘီ​မြို့​နား​မှာ ​ရဲ​က ​ဖမ်း​ဆီး​ရ​မိ​ခဲ့​ပါ​တယ်။

အဲ​ဒီ​သူ​တွေ​ဟာ ​ဒု​က္ခ​သည်​စ​ခန်း​က​နေ​ထွက်​ဖို့ ​တ​ဦး​ကို ၁၂​သိန်း​အ​ထိ ​ပေး​ခဲ့​ရ​တယ်​လို့ ​ရဲ​တပ်​ဖွဲ့ ​က ​သ​တင်း​တွေ​အ​ရ ​သိ​ရ​ပါ​တယ်။

က​န​ဦး​စစ်​ဆေး​ချက်​တွေ​အ​ရ ​စစ်​တပ်​ကား​ကို ​အ​သုံး​ပြု​ပြီး ​ထွက်​လာ​တဲ့​အ​ချက်​ကို​ပဲ ​သိ​ရ​တဲ့​အ​ကြောင်း​နဲ့၊ ​အ​သေး​စိတ်​ကို ​ဆက်​ပြီး ​စုံ​စမ်း​နေ​ကြောင်း ​မှော်​ဘီ​မြို့​နယ် ​ရဲ​စ​ခန်း ​တာ​ဝန်​ကျ ​ရဲ​အ​ရာ​ရှိ ​တ​ဦး​က ​ဘီ​ဘီ​စီ​ကို ​ပြော​ပါ​တယ်။

စ​ခန်း​က​နေ ​ပိုက်​ဆံ​ပေး​ပြီး ​စစ်​တပ်​ကား​နဲ့ ​လိုက်​လာ​သူ​ဟာ ၂၉​ဦး​ရှိ​ပြီး ​လော​လော​ဆယ်​မှာ​တော့ ​ကား​သ​မား​အ​ပါ​အ​ဝင် ၁၁​ဦး​ကို ​ဖမ်း​ဆီး​ထား​ပြီး​ဖြစ်​ပါ​တယ်။ ​လွတ်​သွား​တဲ့ ​လူ​တွေ​ကို ​မှု​ခင်း​ရဲ​တပ်​ဖွဲ့ CID ​နဲ့ ​တွဲ​ပြီး ​စစ်​ဆေး​နေ​တယ်​လို့ ​သိ​ရ​ပါ​တယ်။

ဒု​က္ခ​သည်​စ​ခန်း​မှာ ​အ​နေ​အ​ထိုင်​ဆင်း​ရဲ​တာ​ကြောင့် ​အ​လုပ်​အ​ကိုင်​ရ​ဖို့ ​မျှော်​မှန်း​ပြီး ​အ​ခု​လို ​ပိုက်​ဆံ​ပေး ​ထွက်​ပြေး​ကြ​တာ​ဖြစ်​တယ်​လို့ ​စစ်​တွေ​မြို့​အ​နီး ​ဒု​က္ခ​သည်​စ​ခန်း​မှာ ​နေ​ထိုင်​သူ​တ​ဦး​က ​ပြော​ပါ​တယ်။

ရ​ခိုင်​ပြည်​နယ်​က ​ဒု​က္ခ​သည်​စ​ခန်း​တွေ​မှာ ​နေ​ထိုင်​သူ ​မွတ်​စ​လင်​ဦး​ရေ​ဟာ ​ရှစ်​သောင်း ​နီး​ပါး ​ရှိ​ပါ​တယ်။ ​ပြီး​ခဲ့​တဲ့ ​မတ်​လ​မှာ ​ပင်​လယ်​က​နေ ​တ​ဆင့် ​လူ​မှောင်​ခို​လှေ​တွေ​နဲ့ ​မ​လေး​ရှား၊ ​ထိုင်း​စ​တဲ့ ​နိုင်​ငံ​တွေ​ဆီ​ကို ​ထွက်​ပြေး​ခဲ့​ကြ​ပြီး၊ ​အ​ခု​အ​ခါ​မှာ​တော့ ​စစ်​တပ် ​နဲ့ ​လုံ​ခြုံ​ရေး ​ကား​တွေ​ကို ​ငွေ​ပေး​ပြီး ​ရန်​ကုန်​က ​တ​ဆင့် ​ထွက်​ဖို့ ​ကြိုး​ပမ်း ​ခဲ့​ကြ​တာ ​ဖြစ်​ပါ​တယ်။

ရ​ခိုင်​ပြည်​နယ်​မှာ ​အ​စိုး​ရ​ဝန်​ထမ်း​တ​ချို့ ​လူ​မှောင်​ခို​မှု​တွေ​မှာ ​ပါ​ဝင်​တယ်​ဆို​တဲ့ ​စွပ်​စွဲ​မှု​တွေ​ရှိ​ပေ​မယ့် ​အ​ခု​လို ​စစ်​တပ်​ကား​ကို ​ငွေ​ပေး​ပြီး ​ထွက်​လာ​တာ​ကို ​ရဲ ​တပ်​ဖွဲ့ ​စစ်​ဆေး ​ထုတ်​ဖော်​ဖို့ ​လုပ်​တာ​က​တော့ ​ပ​ထ​မ​ဆုံး​ဖြစ်​ပါ​တယ်။

BBC Burmese