ဗြိတိန်နိုင်ငံသား ခရီးသွားတစ်ယောက်ဟာ လေယာဉ်ပေါ်ကို ချိန်ကိုက်ဗုံးအရုပ်ယူသွားရာမှ လေယာဉ်ဟာ ဘာလီကျွန်းလေဆိပ်သို့ ပြန်လည်ဆင်းသက်ခဲ့ရကြောင်း သတင်းရရှိပါတယ်။
သူဟာ ဒိုင်းနမိုက်နဲ့တွဲထားတဲ့ ချိန်ကိုက်ဗုံးနဲ့ဆင်တူတဲ့ ပစ္စည်းကို ခရစ်စမတ်အကြိုနေ့ ပါတီအတွက် အရုပ်ဆိုင်ကနေ ဝယ်ယူခဲ့တာဖြစ်ကြောင်း ခရီးသွားက အာဏာပိုင်တွေကို ရှင်းပြခဲ့ပါတယ်။ ဒါပေမဲ့ ဒိုဟာကိုသွားမယ့် ကာတာ လေယာဉ်ပေါ် ဒီအရုပ်ကို ယူဆောင်သွားခွင့်မပြုကြောင်း အာဏာပိုင်တွေက သူ့ကိုပြောခဲ့ပါတယ်။ ဒါကြောင့် ပုံမှန်အတိုင်း စစ်ဆေးမှုမပြုခင်မှာ ချိန်ကိုက်ဗုံးအရုပ်ကို ထားခဲ့ခိုင်းလိုက်ပါတယ်။
ဒီအကြောင်းကို လေဆိပ် အထွေထွေကြီးကြပ်ရေးမှူးက သိရှိသွားတဲ့အခါ သူ့ကို နောက်ထပ်မေးခွန်းတွေ မေးခဲ့ပါတော့တယ်။ သူစီးခဲ့တဲ့ လေယာဉ်ဟာ ပြေးလမ်းကို မောင်းထွက်ပြီးဖြစ်ခဲ့တဲ့အတွက်ကြောင့် လေဆိပ်ကို ပြန်လာခဲ့ရပြီး သူ့ကို အစောင့်တွေနဲ့အတူ လေယာဉ်ပေါ်တက်စေခဲ့တယ်လို့ သိရပါတယ်။
ဒီခရီးသွားရဲ့ နာမည်ကတော့ Davide Fogli ဖြစ်ပြီး အသက်က ၄၈နှစ်ပါ။ Graphic designer အဖြစ် လုပ်ကိုင်နေသူတစ်ယောက်ပါ။ သူဟာ အီတလီနိုင်ငံ၊ တူရင်မြို့မှာ မွေးဖွားခဲ့သူဖြစ်ပေမဲ့ ဗြိတိန် ပတ်စ်ပို့ ကိုကိုင်ဆောင်ထားပါတယ်။
သူ့ကို အကျဉ်းထောင်ပို့ပြီး စစ်ဆေးမေးမြန်းစဉ်အတွင်းမှာ သူဝယ်ခဲ့တဲ့ အရုပ်ဆိုင်မှာ အလားတူပစ္စည်းမျိုး ရောင်းသလားဆိုတာကို စစ်ဆေးဖို့အတွက် ရဲအရာရှိတွေကို လွှတ်လိုက်ပါသေးတယ်။ မစ္စတာ Fogli နဲ့ ခရီးသွားဖော် နောက်တစ်ယောက်ကို ၂၄နာရီကြာ စစ်ဆေးပြီးတဲ့အခါမှာတော့ ကံကောင်းထောက်မစွာ ပြစ်မှုမထင်ရှားဘဲ သွားလိုရာကို လွှတ်ပေးလိုက်တယ်လို့ သတင်းရရှိပါတယ်။
Skyler
မှတ်ချက်များ