“ပဲခူးတိုင်းအဋ္ဌမတန်း ပထဝီမေးခွန်းတွင် “တရုတ်ပြည်သူ့သမ္မတမြန်မာနိုင်ငံ” ဟုမှားယွင်းဖော်ပြ”

ပဲခူးတိုင်းဒေသကြီးတွင် အခြေခံပညာ အဋ္ဌမတန်း အတန်းတင်စာမေးပွဲ စတုတ္ထမြောက်နေ့အဖြစ် ဖေဖော်ဝါရီ ၁၈ရက်၌ဖြေဆိုရသည့် ပထဝီဝင်မေးခွန်းလွှာတွင် "တရုတ်ပြည်သူ့သမ္မတနိုင်ငံ"အစား "တရုတ်ပြည်သူ့သမ္မတမြန်မာနိုင်ငံ"ဟု မှားယွင်းဖော်ပြခဲ့ကြောင်း သတင်းရရှိသည်။

ပဲခူးတိုင်းဒေသကြီး အခြေခံပညာ အဋ္ဌမတန်းအတန်းတင်စာမေးပွဲ ပထဝီဝင်မေးခွန်းလွှာ၏ အပိုင်း (က)၊ အဖြေမှန်ရွေးချယ်ရသည့် မေးခွန်း နံပါတ်(၂) (ဃ)တွင် "တရုတ်ပြည်သူ့သမ္မတမြန်မာနိုင်ငံ တွင် နေထိုင်သူအများ စုမှာ (ထန်တရုတ်၊ ဗင်တရုတ်၊ ဟန်တရုတ်)တို့ဖြစ်သည်" ဟု ဖော်ပြပါရှိခဲ့ခြင်းဖြစ်သည်။

ထိုသို့ မှားယွင်းခဲ့ရခြင်းမှာ မေးခွန်းကို စာရိုက်ကူးရာတွင် မှားယွင်းရိုက်ကူးမိခြင်းဖြစ်ပြီး နောက်ဆက်တွဲပြင်ဆင်ချက်ကို မေးခွန်းလွှာတွင် တစ်ပါတည်းထည့်သွင်းပေးခဲ့ပြီး ကျောင်းသူ၊ ကျောင်းသားများအား ဖြေဆိုရန် ညွှန်ကြားခဲ့ကြောင်း ပဲခူးတိုင်းဒေသကြီး ပညာရေးမှူးရုံးမှ တာဝန်ရှိသူတစ်ဦးက ပြောသည်။

7Days News Journal