 |
| အမေရိကန် လေကြောင်းလိုင်း မှ လေယာဉ်တစ်စင်း (ဆင်ဟွာ) |
တနင်္လာနေ့တွင် ခရီးသည် ၁၄၇ ဦးနှင့် လေယာဉ် ဝန်ထမ်း ငါးဦးအား တင်ဆောင် လာသော အမေရိကန် လေယာဉ် အမှတ် 550 သည် လေယာဉ်ခရီးစဉ် တစ်ဝက်အရောက် ၌ လေယာဉ်မှူး တစ်ဦးသည် နေမကောင်းဖြစ်လာခဲ့ပြီး ဒေသစံ တော်ချိန် နံနက် ၇း၀၀ နာရီခန့်တွင် Syracuse သို့ အရေးပေါ် ဆင်းသက်ခဲ့ရကြောင်း လေကြောင်းလိုင်း၏ ပြောရေးဆိုခွင့်ရှိသူ အမျိုးသမီးက ဆင်ဟွာ သို့ အတည်ပြု ပြောကြားသည်။
အဆိုပါ Airbus 320 ၏ လေယာဉ်မှူး မကျန်းမာဖြစ်ပြီးနောက် တွဲဖက် လေယာဉ်မှူးသည် လေယာဉ်အား ထိန်းချုပ်ခဲ့ပြီး Syracuse သို့ ဆင်းသက်ခဲ့သည်။
“ ကံမကောင်းစွာနဲ့ပဲ ကျွန်တော်တို့ရဲ့ လေယာဉ်မှူး ကွယ်လွန်သွားခဲ့တယ် ” ဟု အမေရိကန် လေကြောင်း လိုင်းက သတင်း ထုတ်ပြန်ချက်ထဲ တွင် ပြောသည်။ ၎င်းဖြစ်စဉ်သည် မယုံကြည် နိုင်လောက်အောင် ဝမ်းနည်း ဖွယ်ဖြစ်ပြီး လေယာဉ်မှူး ၏ မိသားစုနှင့် လုပ်ဖော်ကိုင်ဖက်များ အတွက်လည်း အလွန်တရာ အလေးအနက် ဂရုစိုက်သွားမည် ဖြစ်ကြောင်း ပြောကြားခဲ့သည်။
လေယာဉ်မှူး ၏ အမည်ကိုတော့ ထုတ်ဖော်ပြောထားခြင်း မရှိသလို သေဆုံးရခြင်း အကြောင်းအရင်းကိုလည်း ပြောဆိုထားခြင်း မရှိသေးပေ။
Xinhua
မှတ်ချက်များ