မန္တလေးရှိ ပျံကျဈေးများတွင် ရွှေဟင်္သာ၊ စစ်စလီစသည့် ထိန်းသိမ်းထားသော ရေပျော်ငှက်များရောင်းချနေ

မန္တလေးရှိ ဈေးတစ်ခုတွင် ရောင်းချနေသည့် ရှားပါးရေပျော်ငှက်များ(ဓာတ်ပုံ−မောင်မောင်လတ်(ချစ်ညို))

မန္တလေးမြို့ရှိ ပျံကျဈေး အချို့တွင် ရေငှက်များနှင့် ရွှေ ဟင်္သာကဲ့သို့သော ထိန်းသိမ်းကာ ကွယ်ထားသည့်ငှက်များကိုသတ် ဖြတ်ရောင်းချမှုများရှိနေကြောင်း သတင်းရရှိသည်။

မန္တလေးမြို့ ဈေးအချို့တွင် ရေဘဲ၊ စစ်စလီ၊ ရွှေဟင်္သာ စသည့် ထိန်းသိမ်းကာကွယ်ထားသော ရေပျော်ငှက်များကို မကြာခဏရောင်းချလျက်ရှိနေသည်ဟု မြန်မာငှက်နှင့် သဘာဝပတ်ဝန်းကျင်ထိန်းသိမ်းရေးအသင်း မန္တလေးတာဝန်ခံ ဦးဇေမောင်သိန်းက ပြောသည်။

‘‘ရောင်းနေတာကတော့ ပျံ ကျဈေးတွေမှာ အမြဲတွေ့နေတာ ပဲ။ ရောင်းတဲ့သူတွေကိုလည်း သွားပိတ်ဖို့ဆိုတာ ခက်တယ်။ တာဝန်ရှိတဲ့သစ်တောကမှ မလုပ်ကြ တာ။ ထိန်းသိမ်းရေးအဖွဲ့အစည်း တွေကလည်း ပညာပေးရုံပဲရမယ်’’ဟု ၎င်းက ပြောကြားသည်။

ငှက်များလာရောက်ကျက် စားရာ တောင်သမန်အင်း၊ ပလိပ် အင်းဒေသများနှင့် ဧရာဝတီသဲ သောင်ပြင်များတွင် အစာအဆိပ် ချဖမ်းဆီးခြင်း၊ ကြိုးကွင်းဖြင့် ထောင်ချောက်ဆင်ဖမ်းဆီးခြင်း၊ ပိုက်ကွန်ဖြင့် ဖမ်းဆီးခြင်းများပြုလုပ်ကာ ပြန်လည်ရောင်းချနေသည်ဟု ဆိုသည်။

‘‘ရွှေဟင်္သာတွေဆို ဧရာဝတီ သောင်မှာ အများကြီးပဲ။ ဖမ်းတဲ့ သူတွေက ပိုက်တန်းချပြီး ဖမ်းနေ ကြတာ။ ပြီးခဲ့တဲ့ တစ်ခေါက်ကဆို ငှက်ဖမ်းရောင်းတဲ့သူတွေဆီမှာ ရွှေဟင်္သာမျိုးထဲက ရှားပါးမျိုးစိတ် ကောင်တွေတောင် ပါနေတာ တွေ့ရတယ်’’ဟု ဦးဇေမောင်သိန်း က ဆက်လက်ပြောကြားသည်။

ယင်းနေရာများ၌ ဆောင်းခိုငှက်နှင့် ဒေသခံငှက်များ သတ်ဖြတ်ခြင်းမပြုရန် သတိပေးဆိုင်းဘုတ်များထားရှိသော်လည်း ရောင်းချလျက် ရှိနေသည်။

ထိုသို့ ငှက်များကို ဖမ်းဆီးမှု မှ လျော့နည်းစေရန် ငှက်ဖမ်းဆီးသူများကို အသက်မွေးဝမ်း ကျောင်းလုပ်ငန်းများဖန်တီးပေး ရန် လိုအပ်သကဲ့သို့ ဥပဒေဖြင့်လည်း ထိထိရောက်ရောက်လုပ်ဆောင်ရန် လိုအပ်ကြောင်း ငှက်ထိန်းသိမ်းရေးလုပ်ဆောင်သူများက ပြောသည်။

ရွှေဟင်္သာ၊ စနိုက် စသည့် ငှက်များသည် လုံးဝကာကွယ်ထားသည့် တိရစ္ဆာန်များဖြစ်ပြီး ယင်းတို့ကို ခွင့်ပြုချက်မရှိဘဲ သတ်ဖြတ်ခြင်း၊ အမဲလိုက်ခြင်း၊ လက်ဝယ်ထားရှိခြင်း ပြုလုပ်ပါက ထောင်ဒဏ် ခုနစ်နှစ်အထိဖြစ်စေ၊ ငွေဒဏ်ကျပ် ၅၀,၀၀၀ အထိဖြစ် စေ၊ ဒဏ်နှစ်ရပ်စလုံးဖြစ်စေ ချ မှတ်နိုင်ကြောင်း သိရသည်။

ခိုင်ခိုင်စိုး | 7day